web analytics
Tuesday, May 11, 2021

«គ្រោះជីវិតកូវីត១៩ » ​ភាពយន្តមេរៀនប្រវត្តិសាស្រ្តសម្រាប់ពិភពលោក​ក្រុងពាលីចេញថតជាផ្លូវការ​ គ្រោងចាក់បញ្ចាំងមុន​ ឬក្រោយថ្ងៃចូលឆ្នាំខ្មែរខាងមុខនេះ

ដើម្បីចង់ឱ្យជំងឺកូវីត១៩​ ក្លាយជាមេរៀនប្រវត្តិសាស្រ្តសម្រាប់ពិភពលោក និងប្រទេសកម្ពុជាពេលនេះ​លោក​ ហ៊ុយ យ៉ាឡេង ហៅ កថាជ័យ បានប្រកាសថានឹងផលិតខ្សែភាពយន្តបែបអប់រំមួយមានចំណងជើងថា «គ្រោះជីវិតកូវីត១៩ » ស្តែងពីវិបត្តិធំៗដែលកើតឡើងនៅក្នុងប្រទេសកម្ពុជា។

ហើយព្រឹកថ្ងៃទី ១៥ កុម្ភៈ ឆ្នាំ២០២១  «គ្រោះជីវិតកូវីត១៩ »​ បានធ្វើពិធីក្រុងពាលីចេញថតជាផ្លូវការហើយ ក្រោមវត្តមានសិល្បករ ក្នុងសាច់រឿងសំខាន់ៗ ចូលរួមសម្តែង​ ដោយក្នុងនោះកញ្ញាយ៉ែម ស្រីពេជ្រ គឺជាតួស្រីឯកនៅក្នុងរឿងនេះតែម្តង។

លោក ហ៊ុយ យ៉ាឡេង ហៅ កថាជ័យ បានបង្ហើបឱ្យដឹងថា ស្នាដៃនេះ មានរសជាតិច្រើនលាយឡំគ្នា យំ កម្សត់ និងលាយសំណើច ហើយរឿង «គ្រោះជីវិតកូវីដ១៩» នេះក៏មានគម្រោងអាចនឹងដាក់បញ្ចាំងមុនចូលឆ្នាំខ្មែរ ឬក្រោយចូលឆ្នាំខ្មែរតាមភាពជាក់ស្តែង។

គួរឱ្យដឹងផងដែរថា​រឿង​ មានការចូលជួយឧបត្ថម្ភធំ​ ក្រុមហ៊ុនសម្រស់ធម្មជាតិ​ និងការជួយសហការពីក្រុមហ៊ុនជាច្រើនដូចជា៖ PARK VILLA សំបូរណ៍មានជ័យ bee rice សាលាអន្តរជាតិ វើលដ៏កម្ពុជា Agribee Cambodia Plc L192 និង Wine Time រួមទាំងយុវជនក្រៅប្រព័ន្ធ/សមាគមរួមគ្នាអភិវឌ្ឍន៍ដើម្បីសន្តិភាព និងកម្មវិធី១ម៉ោងដើម្បីសង្គមជាតិ៕

អត្ថបទ៖ ក្នុងស្រុក


- Advertisement -
- Advertisement -