web analytics
Wednesday, June 23, 2021

មាស ​សុខសោភា ​តារាល្បីដែលស្រលាញ់ព្រៃឈើ បានចូលរួមជាថ្មីក្នុងយុទ្ធនាការអភិរក្សធនធានធម្មជាតិដើមឈើ និងសត្វព្រៃនៅក្នុងតំបន់ភ្នំត្នោតខេត្តព្រះវិហារ

អ្នកនាង មាស សុខសោភា ​ក្រៅពីគ្រប់គ្នាស្គាល់ថាជាតារាចម្រៀងល្បីឈ្មោះ​ និងនាំមុខមួយរូបនៅក្នុងប្រតេសកម្ពុជាហើយ  អ្នកនាងក៏ត្រូវបានគេដឹងថាជាតារាស្រីមួយរូបដែលតែងតែចូលរួមក្នុងកិច្ចការងារសង្គមផងដែរ ​ជាពិសេសក្នងកិច្ចការអភិរក្សព្រៃឈើ និងសត្វព្រៃ។

ជាថ្មីម្តងទៀត ​កាលពីប៉ុន្មានថ្ងៃមុន ​អ្នកនាង ​មាស សុខសោភា ​បានចូលរួមការងារជាមួយនឹងអង្គការ USAID Greening Prey Lang- ព្រៃឡង់បៃតង BeTreed Adventures ពីការណែនាំទាក់ទងនឹងការអភិរក្សាធនធានធម្មជាតិផងដែរ ។

តាមរយៈគណនីហ្វេសប៊ុកជាផ្លូវការរបស់កញ្ញា មាស សុខសោភា ​បានឱ្យដឹងថា​៖ « សូមអរគុណដល់ USAID Greening Prey Lang- ព្រៃឡង់បៃតង BeTreed Adventures សម្រាប់ការបង្រៀននិងណែនាំពីការអភិរក្សធនធានធម្មជាតិដូចជា ដើមឈើនិងសត្វព្រៃនៅក្នុងតំបន់ភ្នំត្នោតខេត្តព្រះវិហារ និងសូមអរគុណដល់លោក Ben និងក្រុមបងៗសមត្ថកិច្ចដែលនៅជួយការពារ ព្រៃឈើនិងសត្វព្រៃនៅតំបន់នោះផងដែរ។ ហើយក៏អរគុណដល់ យុវវ័យខ្មែរដែលចេះជួយស្រលាញ់ការពារបរិស្ថាន និងបានចូលរួមជាមួយគ្នារយៈពេលប៉ុន្មានថ្ងៃនេះ ដើម្បីយកសកម្មភាពរបស់យើងទាំងអស់គ្នាផ្សព្វផ្សាយ អភិរក្សនិងអភិវឌ្ឍន៏នៅប្រទេសជាតិទាំងមូល។ »។

នេះស្តែងឱ្យដឹងថា ​អ្នកនឹង ​មាស ​សុខសោភា ​ពិតជាស្វិតស្វែងខ្លាំងមែនទែននៅក្នុងកិច្ចការងារអភិរក្សព្រៃឈើ ​ដែលជាធនធានសំខាន់សម្រាប់ពិភពលោក ​ដោយទង្វើនេះកម្រមានតារារូបណាហ៊ានចំណាយពេលវេលា និងការលំបាកចុះទៅដល់ទីទាំងព្រៃផ្ទាល់បែបនេះណាស់ ​ដែលជាទង្វើមួយគួរឱ្យស្ងើចសរសើរខ្លាំង៕


- Advertisement -
- Advertisement -