web analytics
Tuesday, March 9, 2021

ក្នុងឆ្នាំ​ ២០២០​ នេះ បេក្ខជនដែលបានដាក់ពាក្យប្រឡងសញ្ញាបត្រមធ្យមសិក្សាទុតិយភូមិ ហើយជាប់ដោយស្វ័យប្រវត្តិ​ មានចំនួនជាង​ ១២១,១០៨នាក់

កាលពីថ្ងៃទី១៥ ខែធ្នូ ឆ្នាំ២០២០ សម្តេចតេជោ ហ៊ុន សែន ក្នុងឱកាសថ្លែងសារពិសេសពាក់ព័ន្ធស្ថានភាពជំងឺកូវីដ១៩នៅក្នុងប្រទេសកម្ពុជា​ បានផ្តល់យោបល់ទៅរដ្ឋមន្ត្រីក្រសួងអប់រំ យុវជន និងកីឡា លោក ហង់ជួន ណារ៉ុន ឱ្យសិស្សថ្នាក់ទី១២ ឆ្នាំសិក្សា២០១៩-២០២០ ឱ្យជាប់សញ្ញាបត្រមធ្យមសិក្សាទុតិយភូមិដោយមិនបាច់ប្រលង​ ព្រោះបារម្ភខ្លាចការរីករាតត្បាតជំងឺកូវីដ១៩។

សម្រាប់សម្តេចតេជោ ហ៊ុន សែន ក្នុងនាមជាមេដឹកនាំជោគវាសនាជាតិទាំងមូល សម្តេចបានលើកឡើងថា សម្តេចមិនអាចគិតតែលើការងារប្រលងមួយមុខ ហើយនាំហានិភ័យផ្នែកសុខភាពសម្រាប់បេក្ខជនប្រឡង និងសង្គមទាំងមូលនោះឡើយ។

ហើយនៅទីបំផុត ថ្ងៃទី ១៦​ ខែធ្នូ ឆ្នាំ​ ២០២០​ នេះ ដោយយោង​ទៅ​តាមអនុសាសន៍​របស់​សម្តេច​នាយក​រដ្ឋមន្ត្រី ហ៊ុន សែន ក្រសួង​អប់រំ យុវជន និងកីឡា បានចេញសេចក្តីប្រកាស​កំណត់​ឲ្យ​បេក្ខជន​ដែល​ចុះ​ឈ្មោះ​ប្រឡង​បាក់ឌុប​ទុតិយភូមិថ្នាក់ទី ១២​​ និងសិក្សាបឋមភូមិ​​ថ្នាក់ទី ៩​ទាំងអស់ ជាប់​ជា​ស្ថាពរ ដោយ​គ្មាន​កំណត់​និទ្ទេស ។

គួរឱ្យដឹងផងដែរថា​ តាមរយៈ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានឱ្យដឹងថា​​ បេក្ខជនដែលបានដាក់ពាក្យប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២០នេះ មានចំនួនជាង១២១,១០៨នាក់ (ស្រី៦៣,៩០៨នាក់)។ ដោយក្នុងចំណោមនោះ បេក្ខជនថ្នាក់វិទ្យាសាស្ដ្រ ៤០,៧៤៦នាក់ (ស្រី២៣,៦២៩នាក់) និងថ្នាក់វិទ្យាសាស្ដ្រសង្គម ៨០,៣៦២នាក់ (ស្រី៦៦.៣៥នាក់)។​ ដោយឡែក ចំនួនមណ្ឌលវិញ មាន២១០មណ្ឌល (កើន៨មណ្ឌល) និងចំនួនបន្ទប់ ៤,៨៨៧បន្ទប់ ក្នុងនោះថ្នាក់វិទ្យាសាស្ដ្រ មាន៧០មណ្ឌល ១,៦៥៤បន្ទប់ និងថ្នាក់វិទ្យាសស្ដ្រសង្គម មាន១៤០មណ្ឌល ៣,២៣៣បន្ទប់៕


- Advertisement -
- Advertisement -